İraqda terrorçular elektrik stansiyasına hücum edib: 15 ölü
İraqın Salahəddin vilayətinin Samirə şəhərində terrorçu kamikadzelərin elektrik stansiyasına hücumu nəticəsində 15 nəfər həlak olub.
Ölkə.Az Report-a istinadla xəbər verir ki, bu barədə "Sinxua" agentliyi Salahəddin vilayətinin polisindəki mənbəyə əsasən məlumat yayıb.
Xəbərdə bildirilir ki, elektrik stansiyasına 7 terrorçu hücum edib. Onların hamısı atışma zamanı öldürülüb.
Hücum zamanı təhlükəsizlik qüvvələrinin 2 əməkdaşı və elektrik stansiyasının 6 işçisi də həlak olub. Mənbənin məlumatına görə, təhlükəsizlik qüvvələrinə elektrik stansiyasına nəzarəti tam bərpa etmək mümkün olub.
Hücum zamanı daha 9 nəfər yaralanıb.
