Ermənistan NATO-nun Gürcüstan təlimlərində iştirak etməyib
Ermənistan ordusu "Agile Spirit-2017" təlimlərinə qatılmayıb.
"Ölkə.Az" xəbər verir ki, NATO-nun bu təlimləri Gürcüstanın Orpolo poliqonunda start götürüb. Bu barədə məlumatı Gürcüstan müdafiə nazirliyinin mətbuat xidmətinin rəisi Nino Tolordava verib.
Məlumatda deyilir: "Erməni hərbçiləri "Agile Spirit-2017" təlimlərinin rəsmi açılış mərasiminə qatılmayıblar. Ermənistan müdafiə nazirliyi məsələ ilə bağlı heç bir açıqlama vermir".
Tolordavanın sözlərinə əsasən təlimlərdə NATO-ya üzv ölkələrlə yanaşı Gürcüstanın və alyansın partnyorları-Azərbaycan və Ukrayna da iştirak edir.
Təlimlər Gürcüstanda 2011-ci ildən keçirilir. 2015-ci ildə Ermənistan təlimlərdə müşahidəçi qismində iştirak edib.
Hikmət Həsənov
Ölkə.Az