Prokuror nazir qardaşına dələduzluq edənə cəza istədi
"Ölkə.Az"ın lent.az-a istinadən məlumatına görə, Bakı Ağır Cinayətlər Məhkəməsində hakim Şəkər Məmmədovanın sədrliyi ilə keçirilən prosesdə prokuror çıxış edib. Dövlət ittihamçısı Samir Nəbiyevin 8 il müddətinə azadlıqdan məhrum edilməsini istəyib.
Məhkəmə qeyri-müəyyən müddətə təxirə salınıb.
Xatırladaq ki, Əlikram Camalov məhkəmənin ötən iclasında ona dəymiş ziyanın ödənilməsi tələbindən imtina edib və təqsirləndirilən şəxsə qarşı heç bir tələbinin olmadığını bildirib.
Qeyd edək ki, S.Nəbiyev müdafiə sənayesi naziri Yavər Camalovun qardaşı Əlikram Camalova birgə biznes qurmaq təklifi edib. O, Ə.Camalovdan icarəyə götürüb işlətdiyi Nəsimi rayonu, Ceyhun Hacıbəyli küçəsində yerləşən “Brend Elektrik” elektrik avadanlıqları satışı mağazasına yatırım etməyi istəyib. Əvəzində qazancı yarı böləcəklərini vəd verib. Lakin göründüyü kimi, vədinə əməl etməyib və məhkəməyə verilib.
