Rusiyada axtarışda olan şəxs Bakıda tutuldu
Bakıda oğurluq edərkən yaxalanan şəxsin başqa cinayətləri üzə çıxıb.
Ölkə.Az Daxili İşlər Nazirliyinin mətbuat xidmətinə istinadən bildirir ki, sentyabrın 3-də Nərimanov rayonu ərazisindəki marketlərdən birindən oğurluğa cəhd göstərməkdə şübhəli bilinən Göyçay rayon sakini, əvvəllər məhkum olunmuş İftixar Əzizov Əlahiddə Çevik Polis Alayının əməkdaşları tərəfindən saxlanılıb.
Ətrafında aparılan tədbirlərlə onun Rusiya Federasiyası Cinayət Məcəlləsinin 105 (qəsdən adam öldürmə) və 164-cü (mənimsəmə) maddələri ilə axtarışda olması müəyyən edilib.
