Bakıdakı “spider-man” fəhlələr

Həyatlarını təhlükəyə atan "hörümçək adamlar". Bu fikri səsləndirməyimizin səbəbi var.

Son vaxtlar tikintidə ölüm faktı artıb. Bu isə özünü Əməyin Mühafizəsi Qaydalarının pozulması səbəbilə cərimələrdə də açıq-aşkar göstərilir. Yaranan problem əmək müfəttişliyini ciddi addımlar atmağa vadar edib. Mühafizə qaydaları sərtləşdirilə bilər.

Kadrlarda göründüyü kimi şəxs nə hər hansısa bir təhlükəli performans göstərir, nə də inthar etməyə cəhd edir. O, sadəcə paytaxtda fasadı təmir edilən binalardan birində çalışır. Həyatını riskə ataraq. Dəmir kanstruksiyaların üzərində heç bir təhlükəsizlik tədbirləri görmədən hərəkət edən isə təkcə bu gənc deyil. Müxtəlif yerlərdə apardığımız müşahidələr zamanı tikintidə çalışan bəzi işçilərin bu cür vəziyyətdə çalışdığının şahidi olduq. Halbuki, tikintidə çalışanların belə vəziyyətdə işləməsini qadağan edən qanunlar mövcuddur.

Çoxmərtəbəli binaların fasadlarının təmiri zamanı bu təmirdə işləyən hər bir işçinin xüsusilə geyim formasında olması mütləqdir. Ələxsusda başda dəbilqə olmalıdır ki, buda başı müəyyən təhlükələrdən qoruyur.

Müşahidələrimiz zamanı qanunla qəbul edilmiş formada işçini geyimlə təmin edən və tikintini həyata keçirən şirkətlərə də rast gəldik. Lakin işçilər özləri səhlənkarlıq edərək bu vasitələrdən istfadə etmir. Bu cür hal isə sonda heç də yaxşı hadisələrlə nəticələnməyə bilər. Təssüf ki, bu cür xoş olmayan hadisələrin sayı da artır. Əgər 2013-cü ildə tikinti sahəsində 24 ölüm faktı qeydə alınmışdısa, bu il bu rəqəm 26-dır. Əmək və Əhalinin Sosial Müdafiəsi Nazirliyinin əmək müfəttişliyi xidmətindən verilən məlumata görə, bu cür hadisələrin baş verməməsi üçün vaxtaşırı yoxlamalar keçirilir və qaydaları pozan sahibkarlar cəzalandırılır. Artan ölüm faktından başqa tətbiq edilən cərimələrdə də artım var. 2013 -cü il təhlükəsizlik qaydlarını pozan işəgötürənlərə qarşı 471 min manat cərimə tədbiq edilmişdisə, bu il bu rəqəm 3,4 milyon manatdır. Əmək müfəttişliyi xidmətinin rəisi Fuad Əlizadə hesab edir ki, bu halların artmasına səbəb qanunda nəzərdə tutulan cərimənin miqdarının az olmasıdır:

"İnzibati Xətalar Məcəlləsinin 54-cü maddəsində əməyin mühafizəsi qaydalarının pozulmasına görə cərimələr 1000 mantdan 2 min manat məbləğində təşkil edir. Biz nazirliyin aidiyyati xidmət qurumlarının qarşısında bu məsələni qaldırmışıq. Hazırda bu istiqamətdə işlər gedir. Və yaxın zamanlarda hökümətə əməyin mühafizəsi qaydalarını pozulmasına görə cərimələr qaldırılması ilə bağlı sənədi təqdim edəcəyik”.

Bəs sahibkarları bu cür qanun pozuntusuna vadar edən nədir və bu halı necə aradan qaldırmaq olar. Bu suallara cavab isə "Xəbərçi"nin 21:00 buraxılışında olacaq. (ANS TV)

Ölkə.Az