Fransa və ABŞ yəhudilərə təzminat ödəyəcək

Fransa və ABŞ sürgün edilmiş yəhudilərin ailələrinə təzminat ödəyəcək.

Ölkə.Az Asociated Press agentliyinə istinad edərək xəbər verir ki, Fransa və ABŞ İkinci Dünya Müharibəsi dövründə düşərgələrə sürgün edilmiş yəhudilərin ailələrinə təzminatın ödənilməsi haqqında saziş imzalayıblar.

Sürgün edilmiş yəhudilər məhz Fransaya məxsus SNCF dəmir yol şirkətinin qatarları ilə düşərgələrə çatdırılmışdı.

Fransa XİN və ABŞ Dövlət Departamenti 60 milyon dollarlıq xüsusi fondun yaradıldığını bəyan ediblər. Fondun idarə olunması ABŞ nümayəndələrinə həvalə olunacaq.

Bir müddət öncə ABŞ qanunvericiləri SNCF dəmir yol şirkəti ilə müqavilələrin bağlanmasını qadağan etməyi təklif etmişdilər.

Rəşid Mustafazadə

Ölkə.Az