Rusiya Suriya və İsrailə hərbi maşın satacaq

"Ölkə.Az” xəbər verir ki, bu barədə Rusiya Müdafiə Nazirliyinin idarə rəisi, general Aleksandr Şevçenko jurnalistlərə açıqlamasında bildirib. Onun sözlərinə görə, Rusiya istehsalı olan “Terminator” adlı zirehli maşını (BMPT) bir neçə ölkənin marağına səbəb olub.

“Rusiya istehsalı olan “Terminator” bu il keçirilən hərbi formulada bir çox ölkənin marağına səbəb olub. Zirehli maşınla bağlı bizə müxtəlif ölkələrdən müraciətlər daxil olub. Hazırda hərbi texnikanın satışı ilə bağlı Suriya və İsrail dövlətlərilə razılaşmalar olub”, - deyə A.Şevçenko bildirib.

Qeyd edək ki, “Terminator” adlı zirehli maşın yeni nəsil texnikalardan sayılır. Onun döyüş meydanında müxtəlif manevr etmək imkanı var. Bundan başqa, zirehli gövdəsi raket zərbələrinə də davamlıdır. Rusiya həmin hərbi texnikaları ilk dəfə Suriyada gedən döyüşlərdə sınaqdan keçirib. Zirehli maşın səhra döyüşlərində əvəzedilməzdir.

Ziya Səccad
Ölkə.Az