Küveyt Əmiri Ağ Evdə Trampla razılığa gəlib
Küveyt Əmiri Şeyx Sabah Əl-Əhməd Əl-Sabah ABŞ, prezidenti Donald Trampla görüşüb.
“Ölkə.Az” xəbər verir ki, Küveyt Əmiri görüş çərçivəsində Amerikaya səfər edib. O, Ağ Evə gedib. Şeyx Sabahı Tramp qarşılayıb. Görüş zamanı Tramp Küveyt əmirini Ağ Evdə görməyə şad olduğunu bildirib.
Tramp bildirib ki, görüş çərçivəsində Qətər və digər ərəb ölkələrilə münasibətlər müzakirə olunacaq. Danışıqlar zamanı iki ölkə arasında münasibətlərə toxunulacaq.
Şeyx Sabah isə Trampa dəvətə görə minnətdarlığını bildirib. O, bildirib ki, Küveytlə ABŞ arasında münasibətlər yaxşılığa doğru inkişaf edir.
“Küveyt Amerikadan hərbi texnikalar və silahlar alıb. Son aylar Amerika ilə münasibətlər daha da güclənib. Biz ABŞ ilə münasibətləri yaxşılaşdırdığımıza görə şadıq”, - deyə Küveyt lideri bildirib.
Ziya Səccad
Ölkə.Az
