Vəfa Quluzadə: "Kim gəlirsə gəlsin, son sözü yenə Putin deyəcək"
Oktyabrın 13-də Rusiya Federasiyasının Müdafiə naziri ordu generalı Sergey Şoyqu Azərbaycan Respublikasına rəsmi səfərə gələcək.
Səfər çərçivəsində qonağın Müdafiə Nazirliyində görüşü və iki ölkənin Müdafiə Nazirliyi arasında 2015-ci il üçün Əməkdaşlıq Planının imzalanması nəzərdə tutulur.
Səfər barədə fikirlərini Ölkə.Az-la bölüşən politoloq Vəfa Quluzadənin fikrincə, bu səfərin “Qarabağ” məsələsinə zərrə qədər təsiri gözlənilmir.
“Rusiya ilə silah satışında əməkdaşlığımız var. Ondan başqa Qarabağ məsələsində müdafiə nazirlərinin hər hansı bir rol oynaması mümkün deyil. Bütün əsas rol Putininə aiddir. Ona görə də, bu səfərdən heç bir gözləntim yoxdur”.
Səfərin KTMT-nın baş katibi Nikolay Bordyujanın Ermənistan səfərinin ardınca olması nəyəsə işarə ola bilərmi sizcə?
“Bu barədə nəsə demək çox çətindir. Çünkü siyasətdə görüşə işarə yoxdu. Müxtəlif fikirlər səslənir, amma hələlik heç bir tərpəniş yoxdur. Ona görə də bu səfərdən xüsusi gözləntim yoxdur”.
Xatırladaq ki, bir neçə gün bundan öncə KTMT-nin sədri Nikolay Bardyuja və Ermənistan müdafiə naziri Seyran Ohanyan nazir müavini David Tonoyan müşayiəti ilə Ermənistan-Azərbaycan sərhədində yerləşən döyüş postlarındakı vəziyyətlə tanış olmuşdular.
Fatimə İbrahimova
Ölkə.Az
