Rusiyanın ən böyük iqtisadi zonalarından biri iflasa uğradı

Ölkə.az "Rosbalt" agentliyinə istinadən xəbər verir ki, Kalininqrad vilayətindəki bütün istehsal müəssisələri Yeni ildən sonra fəaliyyətini dayandıracaq.

Kalininqradlı iş adamlarının agentliyə verdikləri açıqlamada müəssislərin işləməsini təmin etmək artıq mümkün deyil. Ağır iqtisadi böhran bölgənin sənaye müəssilərini çökdürüb. Sanksiyalarla əlaqədar Kalininqrad müəssisləri komplekt detalları Avropa şirkətlərindən ala bilmirlər və bu da istehsalı axsadır.

Məlumata görə, Kalininqrad müəssisələrinin məhsullarının əsas satış bazarı olan Rusiyanın digər regionlarından gələn sifarişlərin həcmi də yarıya qədər azalıb. Bunun ağır iqtisadi durumla əlaqədar olduğu bildirilir.

Kaliniqradın ən iri şirkətlərindən olan "Tomas-Beton"un sahibi İqor Pleşkov Putinin son çıxışını şərh edərkən onun sözlərini "Paroles, paroles" mahnısına bənzədib. O bildirib ki, prezidentin optimist çıxışının arxasında heç nə durmur və Rusiya "neft iynəsinə" oturdulmuş bir ölkədir.

"Vəziyyətdən çıxmaq isə çox çətindir, hətta bu şəraitdə ümumiyyətlə mümkün deyil", deyə Pleşkov əlavə edib.

Ölkə.az