Aşıq Ədalət vəfat etdi
Azərbaycanın əməkdar incəsənət xadimi, Prezident təqaüdçüsü, Aşıq Ədalət (Nəsibov) dünyasını dəyişişib.
"Ölkə.Az" xəbər verir ki, bu barədə Azərbaycan Aşıqlar Birliyindən məlumat verilib.
Məlumata görə, Aşıq Ədalət uzun sürən xəstəlikdən sonra 78 yaşında vəfat edib.
Qeyd edək ki, Aşıq Ədalət 27 yanvar 1939-cu ildə Qazax rayonunda anadan olub. Saz çalmağı atasından öyrənib. Gənc yaşlarından fitri istedadı üzə çıxıb, məclislərə dəvət alıb.
Türk yazıçısı Əziz Nesin onun haqqında söyləyib: "Ədalətin ifası təkrarsız həyat kimidir. Onun üzü daim təzəliyədir, sonu gülüstanlara çıxan dağ çayına bənzəyir. Ələsgər aşiq, söz sənətində kimdirsə, Ədalət də saz sənətində odur".
O, "Qaytarma", "Baş sarıtel", "Ruhani", "Yanıq Kərəm" və başqa saz havalarının bənzərsiz ifaçısı idi.
Allah rəhmət eləsin!
