Qarabağda erməni hərbçiləri kütləvi şəkildə məhv oldu
“Ölkə.Az” xəbər verir ki, bu barədə erməni hərbçiləri sosial şəbəkələrdə yazıblar. “Facebook” sosial şəbəkəsində “Armenian army” adlı səhifədə erməni hərbçisi status yazaraq bildirib ki, onun olduğu hərbi hissənin hərbi yük avtomobili umuruma aşıb. Hərbçinin yazdıqlarına görə. Qəza dünən səhər saat 09:40-da ba verib.
“Qəza nəticəsində 8 hərbi qulluqçu ölüb, 4 əsgər isə ağır yaralandı. Yaralıların vəziyyəti barədə heç nə məlum deyil. Nəyəsə görə bu barədə kanallarda məlumat verilməyib. Heç yerdə bu barədə məlumat yoxdur. Hətta bizə heç nə demirlər”, deyə hərbçi yazıb.
Onun sözlərinə görə, qəza məhz Ermənistan hökuməti tərəfindən xalqdan gizlədilib:
“Hökumət nəyə görəsə susur. Hamımız qəza barədə xəbərlərdə nəsə deyiləcəyini gözləyirdik. Heç olmasa bir sayt yazardı. Lakin heç kim heç nə demədi. Mən şəxsən yaralı əsgərləri çıxarmağa kömək etmişəm. 8 ölü, 4 yaralı vardı. Yaralı və ölüləri Stepanakert (Xankəndi) istiqamətinə apardılar”.
Hərbçi həmçinin yaralı və ölənlərin siyahısını da yazıb. Ölənlərin adları:
Artem Ovsepyan, Karen Aloyan , Armen Karapetyan, Ovik Karoyan, Ayvaz Asatryan, Arsen Babayan, Qor Masisyan, Zaven Qriqoryan.
Yaralıların adları: Tiqran Aloyan, Karen Adjabyan, Artur Davoyan, Qrayr Kamovyan.
Hərbçi sonda qəzaya uğrayan avtomobilin öz qulluq etdiyi hərbçi hissəyə məxsus olduğunu bir daha qeyd edib: “Onlar hamısı mənim xidmət etdiyim hərbi hissənin əsgərləridir. Qəzada mənim ən yaxşı dostum Artem Ovsepyan həlak oldu. Yaralılardan xəbər olmadığına görə mən qərara aldım ki, hadisəni burada yazım”.
Qeyd edək ki, paylaşılan status səhifədə bir neçə saat qalıb. Sonradan həmin hərbçiyə edilən təzyiqlər nəticəsində status silinib. Statusu yazan əsgərin taleyi barədə isə məlumat yoxdur. Çox güman ki, onu öldürüblər.
Ziya Səccad
Ölkə.Az
