"Odlar yurdu"nda bir gecədə 3 yanğın
Bu gecə ölkə ərazisində bir neçə yanğın hadisəsi müşahidə edilib.
Abşeron rayonunda tikintisi başa çatmamış ikimərtəbəli ümumi sahəsi 200 kv.m olan evin 2-ci mərtəbəsinin dam örtüyünün yanar konstruksiyaları 100 kv.m sahədə yanıb. Evin qalan hissəsi yanğından mühafizə olunub.
***
Sumqayıt şəhərində vətəndaşa məxsus ümumi sahəsi 17 kv.m olan ərzaq mağasının lambirdən ibarət tavanı və 2 kv.m sahədə ərzaq malları yanıb. Mağazanın qalan hissəsi və bitişik tikili yanğından mühafizə olunub. Yanğın saat 04:03-də yanğınsöndürənlər tərəfindən söndürülüb.
***
Bakı şəhəri, Səbail rayonunda üçmərtəbəli yaşayış binasının 3-cü mərtəbəsində vətəndaşa məxsus ümumi sahəsi 60 kv.m olan 3 otaqlı mənzilin 1 otağında döşəmə 1 kv.m sahədə yanıb. Mənzilin qalan hissəsi yanğından mühafizə olunub. Yanğın saat 21:57-də yanğınsöndürənlər tərəfindən söndürülüb.
Ölkə.Az
