London metrosunda baş verən terror İŞİD tərəfindən törədilib
İŞİD terror təşkilatı London metrosunda baş vermiş terrorla bağlı məsuliyyəti öz üzərinə götürüb.
“Ölkə.Az” xəbər verir ki, bu barədə SITE saytı məlumat yayıb. Verilən məlumata görə baş vermiş terror aktı İŞİD tərəfindən təşkil edilib.
Qeyd edək ki, "Parsons Qrin" stansiyasında səhər saatlarında partlayış olub. Şahidlərin bildirdiyinə görə, vaqonların birində plastik vedrə partlayıb. Hadisə zamanı 29 nəfər yaralanıb.
Partlayışdan sonra platformada çaşqınlıq olub. Polis hadisəni terror aktı kimi qiymətləndirib. Skotland-Yarddan bildirilib ki, qatarda yerləşdirilən əldəqayırma partlayıcı qurğu tam işə düşməyib. Cinayəti törətməkdə şübhəli bilinən şəxs müəyyənləşdirilib, onun adı hələ ki, açıqlanmır.
Polis əməkdaşları metropolitendə daha bir bomba aşkar ediblər. Partlayıcı zərərsizləşdirilib.
Ziya Səccad
Ölkə.Az
