Ermənistanın XİN rəhbəri Minsk qrupunun həmsədrləri ilə görüşdü
Nyu-Yorka işgüzar səfər edən Ermənistanın xarici işlər naziri Edvard Nalbandyan Minsk qrupunun həmsədrləri ilə görüşüb.
"Ölkə.Az" xəbər verir ki, erməni nazir rusiyalı həmsədr Popov, fransalı həmsədr Viskonti və ABŞ-ın nümayəndəsi Şofferlə görüş keçirib.
Bu barədə Ermənistan XİN-in mətbuat katibi Balayan məlumat verib. Görüşdə eyni zamanda ATƏT sədrinin şəxsi nümayəndəsi Kasprşik də iştirak edib.
Ehtimal edilir ki, Nalbandyan 23 sentyabr tarixində Azərbaycanın xarici işlər naziri Elmar Məmmədyarovla da görüş keçirəcək. XİN rəhbərlərinin görüşündə hər iki ölkə prezidentinin görüşünün təşkil edilməsi və həmsədrlərin regiona səfəri müzakirə ediləcək.
Hikmət Həsənov
Ölkə.Az
