İran yeni ballistik raketi sınaqdan keçirdi
İran İslam Respublikasının hərbçiləri yeni ballistik raketi sınaqdan keçiriblər.
"Ölkə.Az" xəbər verir ki, hərbçilərin bəyanatına əsasən "Hurrəmşəhr" raketinin sınağı uğurlu alınıb.
Raket ilk dəfə Tehranda 22 sentyabr tarixində keçirilən hərbi parad zamanı nümayiş etdirilib. Onun uçuş məsafəsi 2 min km-dir və bir neçə başlıq daşıya bilir. Raket sərhəd şəhərinin şərəfinə belə adlandırılıb. Bu şəhərdə İran-İraq müharibəsinin ilk savaşları baş tutub.
Bir müddət əvvəl İran prezidenti Həsən Ruhani bəyan etmişdi ki, İran hərbi potensialını inkişaf etdirəcək və heç bir ölkə bunun qarşısını ala bilməz.
Hikmət Həsənov
Ölkə.Az
