Əli Mirəliyev verilişdəki davadan danışdı: Mikrofonu tullayıb getdi

Ötən gün ARB telekanalında yayımlanan "Səhər səhər" verilişində yaranan qalmaqalla bağlı verilişin aparıcısı müğənni Əli Mirəliyev açıqlama verib.

Ölkə.Az yeniçag.az-a istinadən bildirir ki, Ə. Mirəliyev baş verənləri təsdiqləyib:

"Azərbaycan Uşaqlar Birliyi, Uşaq Sığınacağının koordinatoru Vasif Akifli ilə Elgiz Əkbər arasında mübahisə yarandı. Günah da Vasifdə idi. Deyim də hadisə necə olub. Verilişdə qonaq olan istedadlı bir uşaq mahnı oxudu. Bu, Vasifin xoşuna gəlmədi. O, uşağın oxumağına etiraz etdi və mikrafonu çıxarıb tulladı. Dedi ki, niyə bu uşağı istismar edirsiniz, onun hələ toylarda, tədbirlərdə oxuyan vaxtı deyil. Elgiz də buna etiraz etsə də Vasif studiyanı tərk etdi".

Ə.Mirəliyev Elgizin işdən uzaqlaşdırılması ilə bağlı bunları dedi:

"Qaldı ki, rəhbərliyin verilişdən sonra toplantı keçirib, Elgizi "Səhər səhər" verilişindən uzaqlaşdırmasına, bu barədə heç nə deyə bilmərəm. Birinci gün hər şey bilinəcək".

Xatırladaq ki, ARB telekanalında yayımlanan "Səhər səhər" verilişinin aparıcısı Elgiz Əkbərlə verilişə qonaq qismində çağırılan Azərbaycan Uşaqlar Birliyi, Uşaq Sığınacağının koordinatoru Vasif Akifli arasında ciddi şəkildə mübahisə yaranıb.