Meksikada ölənlərin sayı durmadan artır
Meksikada zəlzələ nəticəsində ölənlərin sayı 305 nəfərə çatıb.
“Ölkə.Az” xəbər verir ki, bu barədə ölkənin milli qəza-xilasetmə xidmətinin rəhbəri Luis Felipe Puente "Twitter" sosial şəbəkəsindəki hesabında yazıb.
Bundan əvvəl isə ölənlərin sayının 291 nəfər olduğu bildirilmişdi.
Puente sosial şəbəkədə qeyd edib ki, 167 nəfər Mexiko şəhərində həlak olub. Zəlzələ Oahaka, Puebla, Herrero, Mexiko və Morelos ştatlarında insanların ölümünə səbəb olub.
Qeyd edək ki, zəlzələ 8,2 bal gücündə Tonala şəhərindən 137 kilometr cənub-şərqdə baş verib. Zəlzələnin episentrinə daha yaxın olan Çyapas ştatının 122 bələdiyyəsində fövqəladə vəziyyət elan edilib. Meksika prezidenti Enrike Penya Neto yeraltı təkanları son 100 ildə ölkədə baş verən ən böyük zəlzələ adlandırıb.
Ziya Səccad
Ölkə.Az
