"07" iki piyadanı vurdu
Cəlilabad rayonunda iki piyadanın vurulması ilə nəticələnən yol qəzası baş verib.
Hadisə rayonun Uzuntəpə kəndində qeydə alınıb. Cəlilabad rayon Cəngan kəndində qeydiyyatda olan lakin Uzuntəpə kəndində yaşayan 41 yaşlı Mirsəddar Mirheydər oğlu Məhərrrəmov və həmkəndlisi 40 yaşlı Azad Əvəz oğlu Kərimov yol kənarında durub söhbət edərkən sürücünün idarəetməsindən çıxan VAZ 2107 markalı avtomobil onları vurub.
Hadisə zamanı ağır xəsarət alan piyadalar Cəlilabad mərkəzi rayon xəstəxanasına yerləşdiriliblər. Xəstəxanadan verilən məlumata görə, yaralıların vəziyyəti ağırdır.
Faktla bağlı araşdırma aparılır. (anspress)
Ölkə.Az
