Bakıda avtomobil hərəkətdə olan zaman alovlandı
Ötən gün paytaxtın Yasamal rayonunda avtomobil yanıb.
Ölkə.Az-ın Xəzər TV-yə istinadən məlumatına görə, “Daewoo” markalı minik avtomobilinin dairəvi yolda hərəkətdə olarkən qəfildən mühərrik hissəsində tüstüləmə başlayıb.
Havanın küləkli olduğundan alov tez bir zamanda avtomobili bürüyüb.
Hadisə yerinə cəlb edilən yanğınsöndürənlər alovun qarşısını alıblar. Dövlət yanğından mühafizə bölməsindən verilən məlumata görə, minik avtomobilinin mühərrikinin və salonunun bir hissəsi yanıb. Avtomobilin qalan hissəsi yanğından mühafizə olunub.
