Səudiyyə Ərəbistanında qadınların avtomobil sürməsinə icazə verilib

“Ölkə.Az” xəbər verir ki, kral Salman bin Əbdül Əziz Əs-Səud tərəfindən qəbul edilən qərara görə, ilk dəfə olaraq qadınların avtomobil idarə etməsinə icazə verilib. Bu barədə Səudiyyə Ərəbistanının Xarici İşlər Nazirliyinin “Twitter” hesabında yazılıb.

“Kralın əmrinə əsasən, bundan sonra Səudiyyə Ərəbistanı ərazisində qadınlara avtomobil idarə etməyə icazə veriləcək. Qərar 2018-ci ilin ilk ayından qüvvəyə minir”, - deyə məlumatda bildirilib.

Qeyd edək ki, Səudiyyə Ərəbistanında qadınların bir çox sahədə hüquqları məhdudlaşdırılır. Həmçinin qadınlara avtomobil idarə etmək qadağandır. Bu barədə Səudiyyə Ərəbistanının şeyxi xüsusi açıqlama da verib. O, bildirib ki, qadınların məhdud zehni və dayaz ağlı var. Bu səbəbdən də, onlara çətin işləri etibar etmək olmaz.

Ziya Səccad
Ölkə.Az