Alimlər Mars və Ayda insanın yaşaya biləcəyi yerləri açıqladılar
İtaliyalı alimlər yeni bəyanatla çıxış ediblər.
"Ölkə.Az" xəbər verir ki, alimlər Ayda və Marsda bəşəriyyət üçün optimal yerləşmə məntəqələrini tapıblar. İddiaya əsasən, insanlar planetin üst qatındakı mağaralara diqqət yetirməlidirlər. Bu mağaralar şüalanma və mikro meteoritlərdən qorunmaq üçün əla vasitədir.
Mütəxəssislər kosmik cisimlərin rəqəmsal relyef modellərini öyrəniblər. Bu barədə avropalı astrofiziklərin internet səhifəsində məlumat var.
Lava kanalları lava axınının soyuması nəticəsində yaranır. Lavanın üst qatı tez soyuyur. Nəticədə isə möhkəm monolit qabıq yaranır.Daxilindəki maye lava isə bir müddət sonra axıb gedir və tunel yaranır. Belə tunellərin uzunluğu bəzən 65 km-ə çatır.
Hikmət Həsənov
Ölkə.Az
