Azərbaycan Prezidentinin təşəbbüsü İstanbulda keçirilən beynəlxalq konfransda dəstəkləndi
“Ölkə.Az”-ın məlumatına görə, konfransda eyni zamanda İƏT üzv ölkələrin gənclərinin durumunu əks etdirən ilk tədqiqat hesabatının təqdimatı da baş tutub.
Tədbirin rəsmi açılış mərasimində Azərbaycan, Turkiyə, Qətər, Fələstin dövlətlərinin Gənclər və İdman nazirləri, digər rəsmi qonaqlar çıxış ediblər.
Konfransa İƏT və BMT-nin yüksək səviyyəli təmsiliçiləri, İstanbulda fəaliyyət göstərən diplomatik korpusun rəhbərləri, 30-dan artıq ölkənin gənc iderləri və aparıcı gənclər təşkilatlarının nümayəndələri qatılıblar.
Konfransda açılış nitqi ilə çıxış edən İƏT Gənclər Forumunun sədri, səfir Elşad İskəndərov İslam dünyasının üzləşdiyi problemlərə diqqət çəkərək, bu problemlərin ilk qurbanlarının məhz gənclər olduğunu qeyd edib.
O, həmin problemlərin həllinin müasir müsəlman gəncliyinin inkişafı, onların təhsil, işlə təmin olunma, iqtisadi müstəqillik perspektivlərinin genişləndirilməsindən keçdiyini bildirib:
“Məhz bu baxımdan İƏT tarixində ilk dəfə həmkar strukturlar ilə birgə əsaslı tədqiqat nəticəsində hazırlanmış “Müsəlman Gəncliyinin Durumu” hesabatı gələcəyə yönəlmiş məqsədləri aydınlada bilər”.
Daha sonra İƏT Xarici İşlər Nazirləri Konfransının 44-cü sessiyasında, İƏT Gənclər Forumunun təşəbbüsü ilə qəbul edilmiş qətnaməyə əsasən ilk dəfə bu ildən etibarən 3 sentyabr tarixində qeyd olunmağa başlayan Gənclər Günü ilə bağlı üzv ölkələrdə keçirilmiş tədbirlərin xülasəsi də təqdim olunub, gələcək illər üçün perspektivləri müzakirə edilib.
Konfransda bildirilib ki, Gənclər Günü tarixi 2006-cı ilin 3 sentyabrında Türkiyə Prezidenti Rəcəb Tayyib Ərdoğanın və Azərbaycan Prezidenti İlham Əliyevin birgə iştirakı ilə İstanbulda İƏT Gənclər Forumun Baş Qərargahının açılış mərasimi günü ilə əlaqədar seçilib.
Bunu Azərbaycan və Türkiyənin uğurlu beynəlxalq təşəbbüslərinə İƏT-də verilən yüksək qiymət kimi dəyərləndirən İƏT Gənclər Forumu sədri Elşad İskəndərov ilk Gənclik Gününün şüaurının 2017-ci ili “İslam Həmrəylik İli” elan etmiş Prezident İlham Əliyevin təşəbbüsünə dəstək olaraq “Fəaliyyətdə Həmrəylik” olduğunun qeyd edib.
Konfransın sonunda ilk dəfə keçirilən İƏT Gənclər Günü şərəfinə ziyafət verilib.
Vasif Həsənli
Ölkə.Az
