AVRO-2017: Voleybolçularımızın 1/4 finalda rəqibi məlum olub
Bakıda qadın voleybolçular arasında keçirilən Avropa çempionatında bu gün pley-off mərhələsinə yekun vurulub.
Ölkə.Az-ın Apasport.az-a istinadən məlumatına görə, Milli Gimnastika Arenasında baş tutan 2 qarşılaşmadan sonra 1/4 final cütlərinin hamısı bəlli olub.
Günün ilk qarşılaşmasında Polşa Türkiyə ilə üz-üzə gəlib. Qrup mərhələsində gözlənilən oyunu nümayiş etdirə bilməyən komandaların duelinin gərgin alınacağı proqnozlaşdırılsa da, “ay-ulduzlular” qələbə üçün çox da çətinlik çəkməyib. Cütün qalibi olan Türkiyə Rusiya ilə oynayacaq.
Digər pley-off matçında Almaniya Bolqarıstana qalib gəlib - 3:2. Bundestim qrup mərhələsindən sonra 1/4 finalda yenidən Azərbaycan yığmasına rəqib olacaq.
