"Solovyovun sözləri onu göstərir ki, Rusiya bizə qarşı siyasətini dəyişməyib"

Rusiyanın “Rossiya 1” telekanalında yayımlanan “Vladimir Solovyovla bazar axşamı” verilişində Azərbaycana qarşı təxribata yol verilib.

Solovyov dəfələrlə verlişində vurğulayıb ki, Dağlıq Qarabağ müstəqil dövlətdir.

Solovyovun bu təxribatını politoloq Vəfa Quluzadə Ölkə.az-a şərh edib.

Vəfa Quluzadə: "Solovyov Kremilin rəyini və fikirlərini bildirən bir şəxsdir. Solovyov Kremlə xidmət edən bir jurnalistdir. Bu onu göstərir ki, Rusiya Azərbaycana qarşı öz mövqeyini dəyişməyib. Baxmayaraq ki, indi dara düşüb, başlayıb bizimlə dostluq etməyə, Moskvanın əsl mövqeyi isə heç vaxt dəyişməyib. Əslində isə Ermənistan dövlətini də quran, yaradan, Dağlıq Qarabağda ermənilər üçün muxtariyyət verən elə Rusiya özü olub. Ona görə də, bu məsələyə təccüb etmək lazım deyil".

Səxavət Məmməd
Ölkə.az