“Araz Supermarket” və “Favorit Market” şəbəkələri birləşir

Ölkə əhalisinin pərakəndə ticarət sektorunda gündəlik təlabat malları ilə təminatını həyata keçirən, supermarket şəbəkələri birləşmək barədə qərar qəbul etdilər.

“Ölkə.Az” xəbər verir ki, 2011-ci ildən fəaliyyətə başlayan “Araz Supermarket” və 2008-ci ildən fəaliyyətdə olan “Favorit Market” şəbəkələri birləşərək pərakəndə sektorda birgə fəaliyyətə qərar veriblər.

Şirkət rəsmiləri yaydıqları məlumatda qeyd edir ki, sözügedən birləşmə ölkə iqtisadiyyatında bazarın bu sektorunun inkişafına xidmət etmək, tədarükçülərlə istehlakçılar arasında körpü rolunu oynayaraq, müştəri məmnuniyyətinin, supermarket mədəniyyətinin daha da yüksəldilməsinə müsbət təsir məqsədi güdür. 

Dünya təcürbəsinə istinad edərək söyləyə bilərik ki, bu cür birləşmələr pərakəndə sektorun inkişafına səbəb olur. Pərakəndə sektorun inkişafı öz növbəsində yerli istehsalın artmasında mühüm rol oynayır. Yerli istehsal sektorunun inkişafı isə ölkə iktisadiyyatının əsas təkan verici qüvvəsi hesab olunur. 

Ölkə.Az