“iPhone 8” almaq istəyənlər bu xəbəri oxusun

“Ölkə.Az” xəbər verir ki, ötən gün “iPhone 8” telefonu elektrik cərəyanına qoşulu olarkən partlayıb. Hadisə Tayvanda baş verib.

Belə ki, Tayvanda yaşayan qadın özünə yeni “iPhone 8 Plus 64 Gb” telefonu alıb. Telefonu aldıqdan 3 gün sonra enerji yığmaq üçün elektrik cərəyanına qoşub. Aparat elektrik cərəyanına qoşulandan təxminən 3 dəqiqə sonra güclü partlayış baş verib. Nəticədə telefonun arxa hissəsi (panel) dağılıb.

Qadın bildirib ki, uzun zamandır “iPhone” işlədir. İlk dəfə “iPhone 4” alıb və ondan sonra hər dəfə yeni model çıxan kimi ondan alır. Onun sözlərinə görə, heç vaxt belə hadisə ilə rastlaşmayıb.

Partlayan telefon dərhal “iPhone” şirkətinə göndərilib. Şirkətdən də, həmin aparatı zavoda göndəriblər. Hələlik “iPhone 8” telefonunun partlamasının səbəbləri məlum deyil.

Qeyd edək ki, sentyabrın 13-də "Apple" şirkəti yeni "iPhone 8" və "iPhone X" smartfonlarını təqdim edib. iPhone X" gözləndiyi kimi bir çox yeniliklərlə gəlib. “iPhone X” ilk dəfə metal korpusla istifadəyə verilib. Smartfonların arxa hissəsi şüşədən hazırlıb. "iPhone X"-də 6 nüvəli A11 Bionic prosessoru yer alıb ki, bu da əvvəlkindən 70% sürətlidir.

Telefonun qiyməti Azərbaycanda təqribən 1800 manat olacağı gözlənilir.

Ziya Səccad
Ölkə.Az