ABŞ-dan kürd referendumu barədə

“Ölkə.Az” xəbər verir ki, departament rəhbəri keçirilən referendumu tanımadıqlarını deyib. Onun sözlərinə görə, bu referendum və nəticələr ABŞ tərəfindən tanınmayacaq.

Keçirilən referendum barədə ətraflı açıqlama verməkdən yayınan R.Tillerson fikirlərini bir cümlə ilə ifadə etməklə kifayətlənib.

Qeyd edək ki, bu ABŞ rəhbərliyinin kürdlərin referendumu barədə danışmaq istəməyən yeganə rəsmisi deyil. Bundan əvəvl ABŞ prezidentinin mətbuat katibi Sara Sandersin də bu barədə danışmaq istəməmişdi. O, təkcə bu sözləri demişdi: “Biz İŞİD terror təşkilatı ilə mübarizə aparmaq və İranı yerində oturtmaq üçün İraqın varlığına güvənirik. Bunun üçün İraqın bütövlüyü mütləqdir”.

Xatırladaq ki, sentyabrın 25-də Şimali İraq Kürd Muxtariyyətinin müstəqillik referendumu keçirilib. İraq hökuməti referendumun qanunsuz olduğunu bəyan edib. Türkiyə dövləti referendumu birmənalı olaraq pisləyib. Lakin referendum baş tutub. Səsvermənin nəticələrinə görə, 93 faiz müstəqilliyə “hə”, 7 faiz isə “yox” deyib. Nəticələrə əsasən kürdlər müstəqilliklərini qəbul ediblər.

Ziya Səccad
Ölkə.Az