Tarixin gizlin qatları

"Ölkə.Az" xəbər verir ki, tarixçi Conatan Uoker yeni kitabında bu barədə faktları açıqlayıb. Kitab "Çörçilin üçüncü dünya müharibəsi: Sovet imperiyasına Britaniyanın hücum planı" adlanır.

Tarixçinin verdiyi məlumata əsasən, 1945-ci ilin yaz aylarında Böyük Britaniyanın baş naziri Uinston Çörçill SSRİ-yə soxulmaq barədə plan hazırlamağı əmr edib. Hazırlanan plan "İmkansız" adlanırdı və 1945-ci ilin 1 iyul tarixində hücum olacağı nəzərdə tutulmuşdu.

Bununla yanaşı müharibənin son aylarında müttəfiqlərin Avropada 4 milyonluq ordusu var idi. SSRİ-nin qüvvələrinin sayı isə 11 milyon idi. Bu isə britaniyalıların planı üçün ciddi problemə çevrilə bilərdi.

Plana əsasən əgər Qızıl Ordunu Avropada məğlub etmək mümkün olmasa, alternativ variant olaraq, Polşadan SSRİ-yə soxulmaq nəzərdə tutulmuşdu.
Amma keçilməsi nəzərdə tutulan çox geniş ərazilər planı işləyənləri dilxor etmişdi.

Conatan Uokerin fikrinə görə, əməliyyatın ən mübahisəli məsələsi Üçüncü Reyx əsgərlərinin müttəfiq qoşunlarına cəlb edilməsi idi. Plana əsasən, hücumda almanların 10 desant diviziyası iştirak etməli idi. Problem onda idi ki, birləşmələr 1 iyul tarixinə qədər hazır ola bilməzdi. Çünki onların bərpası üçün almanların müttəfiqlərdən ayrılması lazım idi.

Nəticədə Böyük Britaniya "İmkansız" planından imtina etdi. Müəllifin fikrinə görə, bu ən doğru qərar idi. Çünki britaniyalılar dünyanın iri dövlətlərinin müharibə məngənəsinə düşə bilərdilər.

Hikmət Həsənov
Ölkə.Az