Türkiyə Rusiya qazının alışını artıracaq
Türkiyə gələn il yanvarın 1-dən Rusiya qazının alışını artıracaq.
Bunu Türkiyənin energetika və təbii sərvətlər naziri Taner Yıldız deyib.
Onun sözlərinə görə, hazırda Ankara Rusiyadan Türkiyəyə tədarük ediləcək qazın həcmini müəyyənləşdirir.
Qeyd edək ki, T.Yıldız ötən gün bəyan etmişdi ki, Aİ-nin Rusiyaya qarşı sanksiyalarına baxmayaraq, Ankara bu ölkə ilə əməkdaşlıq edəcək.
Rusiya Türkiyəyə təbii qazın əsas tədarükçüsüdür. Ötən il Türkiyəyə 26,7 milyard kubmetr Rusiya qazı tədarük edilmişdi. Bu il həcmin 30 milyard kubmetrə çatdırılması planlaşdırılır.(Trend)
Ölkə.Az
