"Putin İŞİD-dən də böyük təhlükədir"

Kasparovdan Putinə sərt sözlər.

Ölkə.Az "İno.tv"-yə istinadən xəbər verir ki, dünyanın ən böyük şahmat ustalarından olan Harri Kasparov Rusiya prezidentinə qarşı sərt bəyanatlarla çıxış edib.

Şahmat üzrə beynəlxalq dərəcəli qrossmeyster Kasparov Putini dünyanın ən təhlükəli adamı İŞİD-dən də böyük təhlükə adlandırıb. Kasparov bu fikrini Putinin əlində nüvə silahının olması ilə əlaqələndirib. Müxalif şəxs kimi tanınan Kasparov Rusiyanın müxalif musiqi qrupu "Pussy Riot" üzvlərinin 2 il həbs cəzasına məhkum olunmasına qarşı təşkil edilən nümayişə qatılmışdı. Bu nümayişdə Kasparov bir polisin qolunu dişləməsi ilə yadda qalmışdı.

Xatırladaq ki, Harri Kasparov 1963-cü ildə Bakı şəhərində dünyaya gəlib. Atası Kim Moiseyeviç Vaynşteyn milliyətcə yəhudi, anası Klara Şagenovna Kasparyan isə ermənidir. Babası Moisey Rubinoviç Vaynşteyn ötən əsrin 40-50-ci illərində Azərbaycan SSR-də tanınmış mədəniyyət xadimi, bəstəkar və dirijor olmuşdu. Harri əvvəllər Vaynşteyn soyadını daşısa da atasının 1970-ci ildə leykimiyadan vəfatından sonra, 1976-cı ildə anası onun soyadını dəyişərək öz soyadını vermiş, soyadın sonluğundakı "yan" hissəciyini isə dəyişərək russayağı"ov" yazdırmışdı.

Harri Kasparov 1980-ci ildə Bakı şəhərindəki 151 saylı orta məktəbi qızıl medalla bitirmiş və 18 yanvar 1980-cı il tarixdə Bakını ailəsi və qohumları ilə birlikdə tərk etmişdi. O, Sovet ordusunun da Bakını tərk etməsini tələb etmişdi.

Rəşid Mustafazadə

Ölkə.Az