Venger Ferqyusonu qabaqladı, rekorda imza atdı
İngiltərə çempionatının VII turunda "Brayton"la keçirilən oyun "Arsenal"ın baş məşqçisi Arsen Venger üçün əlamətdar olub.
Ölkə.Az apasport.az-a istinadən xəbər verir ki, 2:0 hesablı qalibiyyət fransalı çalışdırıcının yeni rekorda imza atması ilə nəticələnib.
Məsələ burasındadı ki, Venger "Arsenal"ın baş məşqçisi postunda Premyer Liqada 45-ci komanda üzərində qələbə qazanıb.
Əvvəl rekord 44 fərqli komandanı üstələmiş "Mançester Yunayted"in çalışdırıcısı Aleks Ferqyusona məxsus idi. Şotlandiyalı mütəxəssisə çatan Vengerə onu keçmək də müəssər olub.
Qeyd edək ki, Arsen Venger "Arsenal"ı 1996-cı ildən çalışdırır.
