Las-Veqas terrorunda İŞİD izi
ABŞ-ın Las-Veqas şəhərində baş vermiş atışma ilə bağlı məsuliyyəti İŞİD terror təşkilatı öz üzərinə götürüb.
“Ölkə.Az” xəbər verir ki, İŞİD-dən verilən bəyanata görə, hadisəni törədən şəxs bir neçə ay öncə İslamı qəbul edib.
Qeyd edək ki, bu gecə ABŞ-ın Las Veqas şəhərində silah səsləri eşidilib. “Mandalay Bay” hotel-kazino kompleksi yaxınlığında musiqi festivalında atışma baş verib. Hotelin 32-ci mərtəbəsindən festival iştirakçıları atəşə tutulub. Hadisə nəticəsində 58 nəfər ölüb, 500-dən çox insan yaralanıb. Hadisəni törədən şəxs polis tərəfindən tutulacağını görüb özünü öldürüb. Onun 64 yaşlı yerli sakin Stiven Paddok olduğu müəyyənləşib. Bu vaxt onun yanında bir qadının olduğu ehtimal edilir. Polis hazırda qadını axtarır.
Ziya Səccad
Ölkə.Az
