“Barselona” prezidentindən bəyanat

“Ölkə.Az” xəbər verir ki, bu səbəbdən də, klub rəhbərliyi qərar qəbul edib. Verilən məlumata görə, klubun idarə heyyəti yekdil olaraq qərara gəlib ki, sabahdan etiraz aksiyalarına qatılacaqlar. Klubun prezidenti Xosep Mariya Bartomeu bildirib ki, idmançılar sabahdan məşqləri dayandıracaq. Onun sözlərinə görə, sabahdan ofisləri bağlanacaq.

“Kataloniyanın yaşadığı həqiqətləri dünyaya bildirəcəyik”, - deyə Bartomeu bildirib.

Klub rəhbəri əlavə edib ki, “Barselona” hər zaman Kataloniya xalqının yanında olacaq: “Tarixi bir hadisəni yaşayırıq. Ölkəmizin müstəqilliyini dəstəkləyir və ona daha çox inanırıq. Vətəndaşlarımıza hörmət olunsun və siyasi baxımdan problem həll edilsin. Kataloniyaya sadiqlik nümayiş göstəririk və əlimizdə olan bütün imkanlarla bunu edəcəyik. Biz dünyaya varlığımızı göstərəcəyik”, - deyə klub rəhbəri bildirib.

Sonda Bartomeu klubun adından belə bir şüar səsləndirib: “Yaşasın “Barsa”, yaşasın Kataloniya!”.

Qeyd edək ki, İspaniyanın Kataloniya əyaləti müstəqillik referendumu keçirib. Polis və seçicilərin üz-üzə gəldiyi, yüzlərlə insanın yaralandığı referendumdan sonra Kataloniya prezidenti Puçdemon çıxış edərək müstəqil dövlət qurma haqqı qazandıqlarını bildirib. Səsvermədən iki gün sonra müstəqilliyin elan edilməsi gözlənilir. İspaniyanın Kataloniya muxtar bölgəsində keçirilən referendumda xalqın 90.09 faizi müstəqilliyin lehinə səs verib. Avropa İttifaqı Komissiyası isə Kataloniyada keçirilən müstəqillik referendumundan sonra açıqlama verib. Açıqlamada keçirilən referendumun qeyri-qanuni olduğu bildirilir.

Ziya Səccad
Ölkə.Az