Bakıda ev yandı: zəhərlənən var
Yasamal rayonunda ikiotaqlı evdə yanğın baş verib.
Bakı şəhəri, Yasamal rayonunda vətəndaşa məxsus ümumi sahəsi 50 kv.m olan birmərtəbəli 2 otaqlı evdə 1 ədəd yataq dəsti yanıb, yüksək temperaturdan "SAMSUNG" markalı kondisioner əriyib. Yanğının kəşfiyyatı zamanı ev sahibi tüstüdən zəhərlənmiş halda yanğınsöndürənlər tərəfindən aşkar edilmiş və Təcili Tibbi Yardım Stansiyasının həkimlərinə təhvil verilib.
Yanğından evin qalan hissəsi mühafizə olunub. Yanğın saat 15:15-də yanğınsöndürənlər tərəfindən söndürülüb. (axar.az)
Ölkə.Az
