Kataloniyada ümumi tətil başladı
İspaniyanın şərqindəki Kataloniya muxtar respublikasında müstəqillik tərəfdarı bəzi həmkarlar ittifaqları və qeyri-hökumət təşkilatları ümumi tətilə başlayıblar.
"Ölkə.Az" xəbər verir ki, həmkarlar ittifaqları və qeyri-hökumət təşkilatları "İspaniya hökumətinin təzyiqi və polisin müdaxiləsinə" qarşı ümumi tətil çağırışı edib.
Referendum qeyri-qanuni elan edilsə də, iki gün sonra başlayan tətil səhər saatlarında start götürüb. Nəqliyyat, təhsil, səhiyyə, turizm və ticarət də daxil olmaqla, bütün sektorlarda başlayan tətilə Kataloniya Muxtar respublikasının hökuməti də dəstək verib.
Taksi xidmətinin də işləmədiyi bölgədə məktəblərin böyük bir qismi bağlıdır. Açıq olan məktəblərdə də dərslər keçirilmir. Xəstəxanalarda isə təcili əməliyyatlardan başqa bütün qəbullar dayandırılıb.
Hikmət Həsənov
Ölkə.Az
