QMİ-nin təşkilatçılığı ilə müqəddəs şəhərlərə ziyarətlər başlayır
Qafqaz Müsəlmanları İdarəsi (QMİ) zəvvarların müqəddəs şəhərlərə aparılmasına başlayır.
"Ölkə.Az" xəbər verir ki, idarədən Report-un sorğusuna cavab olaraq bildirilib ki, oktyabrın 6-da avtobusla ilk zəvvar qrupu yola salınacaq.
Zəvvarlar ziyarət sırasında Kərbəla, Nəcəf, Samirə və Məşhəd kimi müqəddəs sayılan şəhərləri ziyarət edəcəklər.
QMİ-dən bildirilib ki, ziyarət sırasında zəvvarların təhlükəsizliyini, hotellə təmin olunmasını və s. məsələləri qurumun müqavilə bağladığı İraqdakı şirkətlərdən biri həyata keçirəcək.
Qeyd edək ki, ziyarət üçün nəzərdə tutulan paketin qiyməti 300 dollardır. Ziyarətlər qruplar toplandıqca həyata keçiriləcək.
