ABŞ-ın Ağ Ev mühasirədə

“Mən nəfəs ala bilmirəm!” Birləşmiş Ştatlarda öldürülən qaradərili yeniyetmənin bu son sözü onun qətlində şübhəli bilinən polis əməkdaşına məhkəmənin bəraət verilməsindən sonra artıq iki həftədir ki, etirazçıların əsas şüarına çevrilib. Etirazçılar paytaxtda Ağ evə gedən yolları bağlayıb.

ABŞ-da iki qaradərilini öldürən polisin bəraət almasına qəzəblənən insanlarin etirazları artıq iki həftəyə yaxındır ki, davam edir. 

Bütün ölkəni bürüyən aksiyaların şüarları isə dəyişməz olaraq qalır. “Qara problemi mövcuddur", "mənə demokratiyanin nə olduğunu göstər", "ədalət yoxdur", "bizi öldürməyi dayandırın", "mən nəfəs ala bilmirəm”.

ABŞ-da qaradərilərin öldürülməsilə bağlı ölkədə baş qaldıran etirazlar Vaşinqtonda da demək olar ki, hər gün keçirilir. Bir qrup gənclər öz etirazlarını bildirmək üçün əsasən paytaxtın mərkəzi küçələrini seçirlər.

Vaşinqtonda etirazçılar əsasən Ağ evə gedən istiqamətdə əsas yollarda yürüş edirdilər. 

Aksiya iştirakçıları yolları bir müddətlik bağladılar. Dinc keçən yürüşü polis kənardan izləyirdi. Etirazçılar isə qaradərilinin ölümünə görə polis cəza almayana qədər öz etirazlarını davam etdirəcəklərini bildirdilər.

Birləşmiş Ştatların prezidenti Barak Obama bildirib ki, insanlar hüquq-mühafizə orqanları və polis tərəfindən ədalətli rəftar edildiyini hiss etmələri olduqca vacibdir. Çünki onlar ədalətli davranmayanda nəticə ölümcül ola bilər.

Hazırda isə keçən ay polisin öldürdüyü iki nəfərin, üzərində silah olmayan 28 yaşlı Akay Qurleyin və 12 yaşlı Tamir Raysın işi ilə bağl münsiflər məhkəməsində araşdırma gedir. Məhkəmənin qərarı səbirsizliklə gözlənilir.

Birləşmiş Ştatlarda etirazların tezliklə səngiməyəcəyi gözlənilir. Çünki, ən azı bu günə təyin edilən böyük yürüş şənbə gününə qədər təxirə salınıb. (ANS)

Ölkə.Az