Ukraynada faciə
Sentyabrın 2-də Ukraynanın Zaporojye şəhərindəki hosteldə baş verən yanğın zamanı 5 nəfər ölüb.
“Ölkə.Az” xəbər verir ki, yanğın zamanı ölənlərdən 4 nəfəri azərbaycanlı olub. Onlar Azərbaycan vətəndaşlığında olublar. Ölənlərin arasında biri 8 saylı uşaq olub.
Ukrayna mətbuatında yazılanlara görə, 4 nəfər hadisə yerində, beşinci çəxs - hostelin mühafizəçisi xəstəxanaya aparılarkən ölüb. Hüquq-mühafizə orqanlarından verilən məlumata görə, ölənlərin Ukraynada yaşamaq və işləmək üçün hüquqi icazələri olub. Bundan başqa, yanğından 4 nəfəri, o cümlədən bir uşağı xilas etmək mümkün olub.
İlkin məlumatlara görə, yanğına elektrik sobasının cərəyana qoşulu vəziyyətdə qalması səbəb ola bilər.
Qeyd edək ki, hadisə zamanı ölən və xəsarət alanlar hostel yaxınlıqda yerləşən bazarda işləyirlərmiş.
Ziya Səccad
Ölkə.Az
