İspaniya kralı Kataloniyada keçirilən referendum barədə danışdı

“Ölkə.Az” xəbər verir ki, kral referendumun nəticələrinin də tanınmadığını bildirib. Onun sözlərinə görə, Kataloniya hökuməti qanunsuz referendum keçirib.

VI Filipp yerli telekanalda çıxışı zamanı deyib ki, Kataloniya İspaniyanın vahidliyini dağıdıb və demokratik prinsipləri pozub.

“Biz Kataloniyada atılan qanunsuz addımların şahidi olduq. Onlar İspaniyanın hüquqlarını tapdaladılar.  Onlar ölkə hakimiyyətinə Kataloniyada təqdim edilən nifrəti göstərdilər", - deyə kral vurğulayıb.

Qeyd edək ki. İspaniyanın Kataloniya əyaləti müstəqillik referendumu keçirib. Polis və seçicilərin üz-üzə gəldiyi, yüzlərlə insanın yaralandığı referendumdan sonra Kataloniya prezidenti Puçdemon çıxış edərək müstəqil dövlət qurma haqqı qazandıqlarını bildirib. Səsvermədən iki gün sonra müstəqilliyin elan edilməsi gözlənilir. İspaniyanın Kataloniya muxtar bölgəsində keçirilən referendumda xalqın 90.09 faizi müstəqilliyin lehinə səs verib. Avropa İttifaqı Komissiyası isə Kataloniyada keçirilən müstəqillik referendumundan sonra açıqlama verib. Açıqlamada keçirilən referendumun qeyri-qanuni olduğu bildirilir.

Ziya Səccad
Ölkə.Az