Hollandiyanın müdafiə naziri istefa verdi
Hollandiyanın müvəqqəti hökumətinin müdafiə naziri Janin Hennis Plashart istefa verib.
"Ölkə.Az" xəbər verir ki, Malidə iki hollandiyalı əsgərin ölümünə görə məsuliyyəti öz boynuna götürən nazir bu addımı atıb.
Hennis parlamentdə çıxışı zamanı ötən il Malidə hərbi təlimlər zamanı xarab topların partlaması nəticəsində həlak olan iki hərbçinin ölümünə görə məsuliyyəti boynuna götürərək istefa etdiyini açıqlayıb.
Daxili işlər nazirliyinə aid təhlükəsizlik araşdırma şurası tərəfindən hazırlanan hesabatı görəndə yanlış və gec addımlar atdığını qeyd edən nazir "bunun baş verməsini istəməzdim"-deyib.
Hennislə bərabər Hollandiya silahlı qüvvələr generalı Tom Middendorp da istefa verib.
Hikmət Həsənov
Ölkə.Az
