Balıq fotosu çəkmək istəyən dalğıc təyyarə qəbiristanlığı tapdı
Amerikalı sualtı fotoqraf balıq fotosu çəkmək üçün okeana baş vurub.
"Ölkə.Az" xəbər verir ki, Brendi okeanın dibində 2-ci dünya müharibəsinə aid təyyarələr tapıb.
Brendi Müller əvvəlcə tapdığı şeyi batmış gəmi zənn edib. Amma daha dərinə daldıqca bunun gəmi yox, təyyarə olduğunu görüb. Qadın dalğıc hər hansı bir skelet və meyit tapa bilməyib. Təyyarələrin içində heç bir geyim də olmayıb.
Müller okeanın dibində 100-dən çox təyyarə tapıb. Bütün cəhdlərinə rəğmən məsələ ilə bağlı heç bir məlumat əldə edə bilməyib.
Nəhayət, son olaraq təyyarələrin ikinci dünya müharibəsində yaponlar tərəfindən vurulan amerikan təyyarələri olduğunu anladı. Təyyarələrlə yanaşı suyun dibində buldozer, traktor və başqa texnikalar da var.
Hikmət Həsənov
Ölkə.Az
