Hakkaridə PKK terroru
Türkiyənin Hakkari vilayətinin Yüksəkova rayonunun Əsəndərə bölgəsində terror aktı törədilib.
"Ölkə.Az" xəbər verir ki, PKK terrorçuları Susuzkeklik səmtində yoldan keçən hərbi maşını partladıblar. Nəticədə 4 əsgər şəhid olub, 4 nəfər isə yaralanıb. Terrorçuları ələ keçirmək üçün bölgəyə çoxsaylı zirehli maşın cəlb edilib.
Hadisə səhər saatlarında baş verib. Yola döşənən mina hərbi maşın keçərkən işə düşüb. Yaralılar dövlət xəstəxanasına çatdırılıb. Bölgədə başlayan hərbi əməliyyata havadan dəstək verilib.
Hikmət Həsənov
Ölkə.Az
