"Rəsul Quliyev prezident seçkilərində iştirak edə bilməyəcək"

Rəsul Quliyevin ölkəyə qayıtmaq və prezident seçkilərində iştirak etməsi məsələsini politoloq Zərdüşt Əlizadə Ölkə.Az-a şərh edib:

"Azərbaycan Respublikası prezidentliyinə namizədliyini verən şəxslər son 10 ildə Azərbacan Respublikasında yaşamalıdırlar. Rəsul Quliyev 1996-cı ildən bəri bu hüquqdan məhrum edilib, 20 ilə yaxındır ki, ABŞ-da yaşayır. Çox istərdim ki, Rəsul Quliyev də digərləri kimi prezident seçkilərində iştirak etsin.

Real düşünsək, Rəsul Quliyev prezident seçkilərində iştirak edə bilməyəcək".

Qeyd edək ki, 2003-cü ildə keçirilmiş prezident seçkilərində Rəsul Quliyevin namizədliyi Azərbaycan Demokrat Partiyası tərəfindən irəli sürülüb. Ancaq Azərbaycan Respublikası Mərkəzi Seçki Komissiyası tərəfindən onun namizədliyi təsdiq olunmadı.

Səxavət Məmməd
Ölkə.Az