Dünya neft bazarında nə gözlənilir?

“Ölkə.Az” xəbər verir ki, sözügedən müqavilə neft hasilatını azaltmağı nəzərdə tutur. Bu barədə xəbəri isə Venesuelanın neft naziri Euloxio del Pino verib. Euloxio deyib: “Bu, Misir, Ekvatorial Qvineya, Konqo, Uqanda, Çad və digər ölkələrdir”.

Nazirin sözlərinə görə, məhz Ekvatorial Qvineya Afrika ölkələrinin müqaviləyə dəvət edilməsi təşəbbüsü ilə çıxış edib. Bundan başqa del Pino özü Misirlə danışıqlar aparıb.

Bu qərardan sonra dünya bazarında neftin həcmində və qiymətində hansısa dəyişikliklər olacaqmı?

İqtisadçılar Afrika ölkələrinin neft hasilatını azaldandan sonra ne3ft bazarında heç bir dəyişiklik olmayacağını bildirirlrə. İqtisadçı ekspert İlham Şaban “Ölkə.Az”a açıqlamasında deyib ki, həmin ölkələr üst-üstə heç bir milyon ton neft çıxartmırlar. Yəni, Türkmənistan səviyyəsindən bir ölkədilər.

“Əgər 5 milyon neft çıxaran ölkə hasilatı azaldarsa, bu öz təsirini göstərər. Misir, Ekvatorial Qvineya, Konqo, Uqanda, Çad kimi ölkələrin hamısı balaca neft hasilatçılarıdır. Ona görə də, bunun neft bazarına böyük təsiri yoxdur. Bu ölkələrin neft hasilatlarını azaltması neftin qiymətlərinə də təsir etməyəcək”, - deyə ekspert bildirib.

İ.Şaban deyir ki, OPEK ölkələrinin növbəti görüşü noyabr ayının axırı baş tutacaq: “Görüşdə razılaşma ola bilər ki, neft hasilatı gələn ilin birinci rübünə qədər bu səviyyədə qalsın. Yəni dünya bazarında hansısa bir dəyişiklik baş vermir. Sentyabr ayında OPEK ölkələri hasilatı artırıblar. Ona görə də, indi neftin qiyməti bir az aşağı düşüb”.

Ziya Səccad
Ölkə.Az