Tramp şayiələrə aydınlıq gətirdi
ABŞ prezidenti Donald Tramp xarici işlər naziri Reks Tillerson barədə yeni bəyanat səsləndirib.
"Ölkə.Az" xəbər verir ki, Tramp dövlət katibi Tillersona tam etibar etdiyini bildirib. Qeyd edək ki, son günlər ABŞ mətbuatında Tillersonun istefa verəcəyi barədə şayiələr dolaşmaqda idi.
"Mən Tillersona tam etibar edirəm"- Tramp belə deyib. "NBC" kanalının Tillersonun yay aylarında istefaya gedəcəyi və onu bu işi görməməyə dilə tutulması barədə reportajı şərh edən ABŞ prezidenti deyib: "Bu yalan xəbərdir. "NBC" bunu uydurub".
Tillerson isə bir müddət əvvəl istefa barədə düşünmədiyini və belə bir addım atmayacağını bəyan etmişdi. XİN rəhbəri həm də xarici siyasət məsələsində Trampla aralarında ixtilaf olmadığını bildirmişdi.
Hikmət Həsənov
Ölkə.Az
