Goranboyda iki VAZ toqquşub: 2 yaralı
Goranboyda xəsarətlə nəticələnən yol qəzası baş verib.
Ölkə.Az APA-ya istinadən xəbər verir ki, hadisə rayonun Xanqərvənd kəndində qeydə alınıb. "VAZ 2106" və "VAZ 21015" markalı avtomobillərin toqquşması nəticəsində iki nəfər kənd sakini 1966-cı il təvəllüdlü Sirəddin Həsənov və 1967-ci il təvəllüdlü Asif Məhərrəmov yüngül bədən xəsarətləri alıblar.
Onlara tibbi yardım göstərilib və ambulator müalicəyə buraxılıblar.
Faktla bağlı hüquq-mühafizə orqanları tərəfindən araşdırma aparılır.
