Bakıda XI Azərbaycan Beynəlxalq Təhsil Sərgisi keçirilir
"Ölkə.Az" xəbər verir ki, sərginin açılış mərasimində çıxış edən təhsil naziri Mikayıl Cabbarov bildirib ki, sərgidə son illər nazirlik tərəfindən həyata keçirilən yeni layihələr və mövcud təhsil imkanları sərgilənir.
Nazir vurğulayıb ki, 11 ildir keçirilən beynəlxalq təhsil sərgisində iştirakçıların sayına görə rekord göstərici hesab edilə bilər. “Bu dəfəki sərginin devizinin -“insan kapitalı sərvətimizdir” seçilməsi təsadüfi deyil. Məqsəd bu gün dünyada insan kapitalının ən dəyərli sərvət hesab edilməsinə diqqət çəkməkdir. 4 il əvvəl ölkə Prezidenti Təhsilin İnkişafına dair Dövlət Strategiyasını təsdiq edib. Həmin Strategiya o vaxtdan təhsil sistemində fəaliyyətin əsas istiqamətverici sənədinə çevrilib. Ölkələrin iqtisadi yüksəlişi məhz insan kapitalı hesabına əldə edilib. Yüksək təhsil səviyyəsinə malik peşəkar kadrlar hər bir ölkənin intellektual potensialının əsasını təşkil edir”.
Təhsil naziri son illər təhsil sahəsində həyata keçirilən tədbirlərdən də danışıb: “Son 13 ildə ölkəmizdə 3 mindən çox məktəb təmir edilib və yenidən tikilib, məktəblərin maddi tezniki bazası yenilənir. Görülən tədbirlər çərçivəsində, xüsusilə pulsuz dərsliklərlə təminatı, elektron resursları vurğulamaq istərdim. Müəllim peşəsinin nüfuzunun artırılması istiqamətində daim tədbirlər görülür, müəllimlərin əmək haqqının artırılması istiqamətindəki addımları xüsusi vurğulamaq istərdim. Ali təhsilə çıxışın genişləndirilməsi siyasəti həyata keçirilir. Bu il ölkəmizin ali təhsil müəssisələrinə rekord sayda -37500-ə yaxın tələbə qəbul olub. Dünya reytinq cədvəlində Azərbaycanın mövqeyi 12 indiqatordan 9 indiqatora yaxşılaşıb. Ali təhsil pilləsi üzrə 10 pillə irəliləyərəlk 68-ci yerdə ,innnovasiya üzrə 11 pillə irəliləyərək 30-cu yerdə qərarlaşıb”.