Polad Bülbüloğlu YUNESKO-nun baş direktoru postu uğrunda seçki mübarizəsini dayandırıb

“Ölkə.Az” xəbər verir ki, bu barədə Rusiya mətbuatı məlumat yayıb. "Ria.ru”saytının verdiyi məlumata görə, bu barədə Azərbaycanın Rusiyadakı Səfirliyi xəbər yayıb. Verilən məlumata görə, P.Bülbüloğlu bu addımı oktyabrın 9-da keçirilmiş səsvermənin birinci turundan sonra atıb. Onun bu qərarından sonra YUNESKO-nun baş direktoru vəzifəsinə namizədlərin sayı 6 nəfər olub.

Qeyd edək ki, oktyabrın 9-da Parisdə baş tutan YUNESKO-nun baş direktoru postuna seçkilərin ilk turu nəticə verməyib. Bazar ertəsi Parisdə keçirilən səsvermə zamanı namizədlərdən heç biri qələbə qazanmaq üçün kifayət qədər səs toplamayıb.

Baş direktor postu uğrunda mübarizə aparan digər namizədlərləri təqdim edirik: Fam Suan Şon (Vyetnam), Muşira Həttab (Misir), Həməd bin-Əbdüləziz Əl-Kəvari (Qətər), Tzyan Tan (Çin), Xuan Alfonso Suentes Sorio (Qvatemala), Saleh əl-Həsnəvi (İraq),  Vera əl-Huri Laköy (Livan) və Odri Azuledir (Fransa).

Xatırladaq ki, səsvermənin növbəti mərhələsi sabah baş tutacaq. YUNESKO-nun yeni rəhbərinin adı oktyabrın 13-dək məlum olacaq.

Ziya Səccad
Ölkə.Az