\"ABŞ nüvə sahəsinə sanksiya tətbiq etsə, Rusiya başqa addımlar ata bilər\"

"Ölkə.Az" xəbər verir ki, Rusiyanın milli energetika təhlükəsizliyi fondunun eksperti Stanislav Mitraxoviçin fikrinə görə, Birləşmiş Ştatlar bu sahəyə sanksiya tətbiq etməyib. Çünki bununla da əsas partnyorsuz qalma riski ilə üz-üzə qala bilərlər.

ABŞ və Rusiya arasında nüvə təhlükəsizliyi sahəsindəki genişmiqyaslı əməkdaşlıq bir neçə il sonra bərpa oluna bilər. ABŞ-dan verilən xəbərə görə, əməkdaşlıq 2020-ci ildə bərpa edilə bilər. Müəyyən reaktorların konversiya və ya bağlanması ən tezi 2035-ci ildə baş tuta bilər.

Azərbaycanlı siyasətçilər isə Amerikanın Rusiya üçün çox vacib sahələrə sanksiyalar tətbiq etməyi üstün tutduqlarını düşünürlər. Politoloq Razi Nurullayev “Ölkə.Az”a açıqlamasında bildirib ki, ABŞ hökuməti yaxşı bilir ki, ruslara bu sahədə sanksiyalar tətbiq etməklə heç bir nəticə əldə olunmayacaq. Onun sözlərinə görə, amerikalıların bu addımı onların ziyanlarına işləyə bilər.

“Rusiya dünyanın ilk nüvə ölkələrindən biridir. Onların neft ehtiyatları kifayət qədərdir. Nə uranın zənginləşdirilməsində, istehsalında, satılmasında və digər məsələlərdə ruslaırn heç bir problemi yoxdur. Eyni zamanda Rusiyadan dünya üçün heç bir nüvə təhlükəsi də yoxdur. Rusiya kifayət qədər normal ölkədir. Onlar nüvə silahını kiminsə üzərinə yönəltməyiblər. Bu səbəbdən onlara bu sahədə sanksiyalaırn tətbiq edilməsi yersiz olar. ABŞ da bu sahədə Rusiyaya sanksiyalar təbiq etməyi əhəmiyyətsiz bilir. Çünki bu qadağalar rusların əl-qolunu bağlamır. ABŞ-ın bu sahəyə sanksiyalar tətbiq etməməsi Rusiyanın digər ölkələrə köməklik etməsinin qarşısını alır. Xüsusilə də İranda uranın zənginləşdirilməsinə yardımın qarşısını alır. Amerika hökuməti əmindir ki, bu vəziyyətdə Rusiya İrana nüvə sahəsində köməklik göstərməkdə maraqlı deyil”, - deyə siyasətçi bildirib.

Ziya Səccad
Ölkə.Az